Faite socio
10 € ao ano
Se queres formar parte desta pequena gran familia, estaremos encantados de recibirte. A cota simbólica axuda a cubrir os custos das actividades do ano.
Quero ser socioRegala vida
Eu dou, ti dás… Ell@s viven!
Benvidos a ASAMPO, a Asociación de Amigos da Pontevedrada. A nosa misión é fomentar a cultura da doazón de sangue, órganos e tecidos como o maior acto de xenerosidade humana. A través da concienciación e da acción solidaria, traballamos para que a mensaxe da doazón chegue a cada recanto, porque sabemos que cada xesto conta para salvar vidas.
Pontevedra
Avda. de Montero Ríos, 20:00
Santiago
Praza do Obradoiro
Se houbese máis información, habería máis doadores
ASAMPO é a Asociación de Amigos da Pontevedrada. A nosa base está en Pontevedra, pero nalgunhas das nosas actividades participa xente de toda España e mesmo doutros países.
O que máis nos deu a coñecer é a marcha solidaria nocturna entre Pontevedra e Santiago de Compostela. Ao longo do ano tamén organizamos mesas informativas e outros proxectos, e queremos levar charlas aos colexios para normalizar a doazón entre os máis pequenos.
- Misión
- Promover a Doazón Altruísta Universal de sangue, órganos e tecidos.
- Visión
- Conseguir un maior número de doadores en España e no mundo para reducir o número de mortes provocadas pola falta de sangue, órganos ou tecidos. Normalizar a «Doazón» entre os máis pequenos, pois os nenos de hoxe son os adultos de mañá.
Os nosos valores
- PaixónSó traballando desde o corazón e facendo o que realmente nos gusta poderemos conseguir todo aquilo que nos propoñamos.
- EquipoPorque xuntos somos mellores e poderemos chegar máis lonxe. O lobo solitario non sobrevive.
- ColaboraciónÉ imprescindible valerse do talento colectivo e das sinerxías con outras asociacións para que o noso obxectivo chegue a máis persoas.
- IntegridadeSó desde a transparencia xeneraremos a confianza que buscamos no outro.
Tres formas de regalar vida
O básico que convén saber antes de dar o paso. Para trámites e requisitos oficiais, consulta sempre as fontes sanitarias ligadas.
O sangue non se pode fabricar
Vivimos rodeados de avances médicos e tecnoloxía capaz de cambiar a vida de millóns de persoas. Con todo, hai algo que a ciencia aínda non conseguiu crear artificialmente: o sangue. Por iso, a doazón segue sendo un dos actos solidarios máis importantes dentro do sistema sanitario.
- 400 a 500 doazóns ao día Os hospitais galegos necesítanas para operacións, partos, tratamentos oncolóxicos e outras intervencións habituais.
- Case todos a necesitaremos A maioría da poboación necesitará unha transfusión nalgún momento: hoxe axudas ti, mañá poderías ser ti quen a reciba.
- Requisitos xerais Ser maior de idade, pesar máis de 50 kg e estar en bo estado de saúde. Hai controis médicos e descansos entre doazóns.
Unha conversa en familia marca a diferenza
España leva anos sendo un referente mundial en doazón de órganos grazas á solidariedade da poboación e a un sistema sanitario altamente coordinado. Con todo, detrás de cada transplante hai un proceso complexo que poucas persoas coñecen.
- Consentimento presunto En España todas as persoas son doadoras potenciais, salvo que dixesen o contrario, pero os médicos sempre falan coa familia.
- Un só doador, moitas vidas Pode salvar ou mellorar a vida de varias persoas, e tamén se poden doar córneas, medula ósea ou sangue de cordón umbilical.
- Doazón en vida Pódese doar un ril en vida baixo estritos controis médicos e legais, de forma totalmente voluntaria.
Non ten nada que ver coa columna
A doazón de medula ósea pode converterse na única esperanza para pacientes con leucemia e outras enfermidades graves do sangue. O proceso é moito máis sinxelo e seguro do que a maioría imagina.
- De 18 a 40 anos Para rexistrarse como novo doador, con boa saúde. Unha vez inscrito, segues dispoñible para axudar ata os 60 anos.
- Sen risco de parálise A maioría das doazóns fanse por aférese, un procedemento similar a doar sangue.
- Un compromiso real Se apareces compatible cun paciente, a túa doazón pode ser literalmente a súa única oportunidade de vida.
A Pontevedrada
Unha marcha nocturna e ininterrompida a pé polo Camiño de Santiago Portugués, desde Pontevedra ata a Praza do Obradoiro. Non é unha competición: é un reto compartido para dar visibilidade á doazón.
- Distancia
- 67 km
- Cando
- Último sábado de abril
- Saída
- 20:00, Avda. de Montero Ríos
- Achega
- 10 € por persoa (edición 2026), ao recoller o dorsal
Preguntas frecuentes
Que é a «Pontevedrada»?
É unha marcha nocturna e ininterrompida a pé de 67 km que percorre o Camiño de Santiago Portugués.
Cal é o obxectivo desta iniciativa?
Concienciar sobre a importancia da doazón altruísta de sangue, órganos e tecidos.
É unha competición?
Non, a marcha non ten carácter competitivo.
Cando e onde comeza?
É o último sábado de abril ás 20:00 horas desde a Avda. de Montero Ríos en Pontevedra.
O que facemos durante o ano
Todas as nosas actividades buscan o mesmo: que se fale de doazón.
-
Pontevedrada
Marcha nocturna e ininterrompida de 67 km polo Camiño Portugués, de Pontevedra a Santiago.
-
Mural da Vida
Traballo artístico integrado, coa achega solidaria de voluntarios e creadores, para lembrar a necesidade da solidariedade humana.
-
Xuntos no Camiño
En 2017 percorremos por etapas o Camiño Portugués xunto con outras asociacións, dando visibilidade ás patoloxías que representa cada unha.
-
Mesas informativas
Ao longo do ano saímos á rúa para explicarlle á poboación a importancia da doazón.
-
Camiño Violeta
Desde 2021, unha ruta circular de 1,7 km adaptada, polo centro histórico de Pontevedra, en memoria das vítimas de violencia de xénero.
-
Muro Violeta
Parede conmemorativa de 2.322 azulexos cos nomes das mulleres e dos nenos asasinados en España desde o ano 2000.
-
Chocolatada solidaria
Cada 5 de decembro, Día do Voluntariado, repartimos chocolate quente diante da Peregrina.
-
Bolsa dos Desexos
Recollemos desexos nos nosos eventos e levámolos a relevos ata a Catedral de Santiago.
-
Pontevedra-DA
O sangue non ten fronteiras: xornada de doazón xunto co Concello, ADOS e ASOVEDRA.
Actualidade
-
Xa están dispoñibles as fotos da Pontevedrada 2026
Búscate na galería oficial de Flickr, compártea e etiqueta a ASAMPO para dar visibilidade á doazón.
Abrir galería (ábrese nunha pestana nova) -
Camiño Violeta, 22 de novembro
Marcha dun quilómetro en memoria das mulleres e dos nenos asasinados pola violencia de xénero, con visita ao Muro Violeta na Casa Azul.
Máis información -
Día do voluntariado, 5 de decembro
Chocolate quente solidario diante do Santuario da Peregrina para celebrar o Día Internacional do Voluntariado.
Máis información
Únete á causa
Hai moitas formas de formar parte desta pequena gran familia. Escolle a túa.
Faite voluntario
Se che gusta axudar os demais e queres investir parte do teu tempo libre en facerlle a vida máis fácil a outras persoas, ponte en contacto connosco e informarémoste de cando serán as próximas actividades e de como podes botarnos unha man. Cantos máis sexamos, mellor!
Quero ser voluntarioFai unha achega
- Entidade
- Caixa Rural Galega
- Beneficiario
- ASAMPO
- Conta
- ES91 3070 0047 9862 3656 6920
- Concepto
- O que consideredes
Falemos
- Teléfono
639 56 42 61 (Fran)
602 52 69 78 (Lucy) - Correo info@asampo.org
- Sede
Casa Azul, Rúa Sor Lucía nº 4
36002 Pontevedra - Enderezo fiscal
Av. Porteliña nº 10, 3º F
36163 Poio, Pontevedra
Queres colaborar, tes unha dúbida ou es xornalista? Escríbenos e respondémosche canto antes.
Ir ao formulario de contacto